BAYRAQDAR MEDİA – Ermənistan silahlı qüvvələri bölmələrinin Basarkeçər rayonunun Zod yaşayış məntəqəsi istiqamətində yerləşən mövqelərindən açılan atəş nəticəsində Azərbaycan Ordusunun hərbi qulluqçusu Tağıyev Məhəmməd Ramiz oğlu yaralanıb.
Bu haqda xəbər BAYRAQDAR MEDİA-ya sentyabrın 1-də Müdafiə Nazirliyindən daxil olub.
Xəbərdə bildirilir ki, “qarşı tərəfin təxribatı nəticəsində yaralanan Azərbaycan hərbi qulluqçusuna dərhal ilkin tibbi yardım göstərilib və o, hərbi tibb müəssisəsinə təxliyə edilib. Hazırda qeyd olunan istiqamətdə Azərbaycan mövqelərinin atəşə tutulması davam edir. Azərbaycan bölmələri tərəfindən cavab tədbirləri görülür. Bildiririk ki, Ermənistan tərəfinin törətdiyi təxribatın nəticələrinə görə bütün məsuliyyət məhz bu ölkənin hərbi-siyasi rəhbərliyinin üzərinə düşür”.
