BAYRAQDAR MEDİA – 2022-ci il fevralın 24-də səbəbsiz və əsassız yerə Ukraynaya hərbi təcavüzə başlayan Rusiya eyni zamanda ötən müddət ərzində mediaya da böyük zərbə vurub.
Bu haqda Ukraynada fəaliyyət göstərən Kütləvi İnformasiya İnstitutu adlı qurumun bir neçə gün öncə yaydığı hesabatda deyilir.
Hesabata görə, ötən müddət ərzində Rusiya Ukraynada mediaya qarşı 529 cinayət əməli törədib.
Bu rəqəmi sözügedən qurumun “Jurnalistlərə və mediaya qarşı Rusiyanın cinayətləri” adlı monitorinqi nəticəsində müəyyən etmək mümkün olub.
Məlumata görə, Rusiya işğala başlayandan bəri 6-sı xarici olmaqla ümumilikdə 66 jurnalisti öldürüb. O jurnalistlərdən 10-u hadisə yerindən canlı efirə bağlanarkən öldürülüb.
Bildirilir ki, işğalçılar 22 dəfə media işçilərini qaçırıb və ələ keçirib. O jurnalistlərdən ikisi hələ də Rusiya işğalçılarının əlindədir.
24 jurnalist isə raket atəşinə məruz qaldığı üçün sümükləri və müxtəlif bədən əzaları ciddi zədə alıb.
Rusiya həm də TV qüllələrini hədəfə alıb. Qeyd edilir ki, bu əməl düz 16 dəfə təkrarlanıb. İşğalçılar qüllələri raket atəşinə tutub.
Rusiyanın işğalı nəticəsində ötən il yarımda 233 Ukrayna mediası qismən və ya tam olaraq fəaliyyətini dayandırmalı olub…
