Son yeniləmə: 17 Avqust 2023 10:19
BAYRAQDAR MEDİA – Rusiya Elmlər Akademiyasının arxeoloqları Türkmənistanda qazıntılar zamanı naməlum qədim stolüstü oyun dəsti aşkar ediblər.
Bu barədə Türkmenportalı.com saytı məlumat yayıb.
Bildirilib ki, bununla bağlı Rusiya Elmlər Akademiyasının Maddi Mədəniyyət Tarixi İnstitutunun (IIMK RAS) direktoru Andrey Polyakov açıqlama verib.
O, “Bu il biz unikal tapıntı əldə etdik, müəyyən bir oyun üçün heykəlciklər dəsti tapıldı. Heykəllər əvvəllər tapılmışdı, lakin onlar səpələnmişdi. İndi isə 12 piramidaşəkilli daş heykəlcik, 8 daş top, 3 işlənmiş serpantinit daşı, 3 püstə meyvəsi nişanı, 2 qabıq və imitasiya kovri qabıqlarından ibarət dəstimiz var. Şübhəsiz ki, tam paket” deyib.
Arexeoloq həmçinin, əlavə edib ki, son qazıntılar zamanı ilanı tapdalayan öküzün təsviri olan böyük möhür və yerli qədim mədəniyyətə aid digər əşyalar aşkar edilib.
