BAYRAQDAR MEDİA – Prezident İlham Əliyev Kəlbəcər şəhərində tikinti, təmir və bərpa işləri üçün maliyyə vəsaiti ayrılması haqqında Sərəncam imzalayıb.
Bu haqda xəbəri avqustun 17-də Prezidentin Mətbuat xidməti yayıb.
Sərəncamda deyilir ki, “Kəlbəcər şəhərində tikinti, təmir və bərpa işlərinin layihələndirilməsi və həyata keçirilməsi məqsədilə Azərbaycan Respublikasının 2023-cü il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan “Şərqi Zəngəzur İqtisadi Rayonunda 2 saylı Bərpa, Tikinti və İdarəetmə Xidməti” publik hüquqi şəxsə 80,0 (səksən) milyon manat vəsait ayrılsın”.
Sərəncamla Maliyyə Nazirliyi və Nazirlər Kabinetinə müvafiq tədbirlərin görülməsi də tapşırılıb.
