Son yeniləmə: 17 Avqust 2023 14:47
BAYRAQDAR MEDİA – Xəbər verildiyi kimi, “Davamlı Turizmin İnkişafına Dəstək” İctimai Birliyi Azərbaycan Respublikası Qeyri-Hökümət Təşkilatlarina Dövlət Dəstəyi Agentliyinin 2023-cü il kiçik qrant müsabiqəsində “Təbiət Keşikçiləri Gənclər hərəkatı” ilə sən də təbiəti qoruyanlardan ol!” layihəsi ilə qalib olub.
İctimai Birlikdən BAYRAQDAR MEDİA-ya verilən məlumata görə, layihə çərçivəsində nəzərdə tutulan daha bir tədbir Astara rayonu, Hirkan Milli Parkında təbiət qoynunda təşkil edilib: “Maarifləndirici və əyləndirici tədbirdə təbiət keşikçilərinə təbiəti qorumağın vacibliyi, yolları və bu işdə dövlət qurumları ilə əməkdaşlığın qaydaları haqqında məlumat verilib. Gənclər Ekologiya və Təbii Sərvətlər Nazirliyi Yanında İctimai şuranın sədri Amin Məmmədov və sədr müavini Nərminə Qəribova tərəfindən geniş şəkildə məlumatlandırılıb. Bu fəaliyyətin həm də vətənə böyük bir xidmət olduğu bildirilib”.
Məlumata əsasən, tədbir bir günlük tur şəklində keçirilib, Bakıdan Astaraya yola düşən iştirakçılar komfortlu avtobus çay, yemək, xüsusi geyimlə (köynək-papaq) təmin olunub.
