BAYRAQDAR MEDİA – Daşkənddəki hər bir ağac pasport alacaq. Fərqanə xəbər verir ki, bu barədə avqustun 10-da Özbəkistan paytaxtının administrasiyasının mətbuat xidməti məlumat yayıb.
Veçernıy Bişkek bildirir ki, meriyanın məlumatına görə, 2030-cu ilə qədər Daşkənddə yaşıllıqların sahəsinin indiki 900 hektardan 5000 hektara çatdırılması planlaşdırılır: “Proses tədricən sürətlənəcək: 2024-cü ildə sahə 300 hektar, 2025-ci ildə eyni miqdarda, 2026-cı ildə 500, daha sonra 600, 700, 800 və 900 hektar artırılacaq. Xatırladaq ki, Özbəkistanın paytaxtında yaşıllıqların sahəsinin 5 min hektara çatdırılması planlarını seçki kampaniyası zamanı prezident Şavkat Mirziyoyev bəyan etmişdi. Onun sözlərinə görə, hər il şəhərin hər yerində əkiləcək ən azı bir milyon bəzək və meyvə ağacı olması planlaşdırılıb. Yaşnabad, Yenixetski, Sergeli və Mirzo-Uluqbəy rayonlarında 4 min hektar sahədə yaşıllıq və əyləncə parkları yaradılacaq”.
Qeyd olunur ki, ağacların sertifikatlaşdırılmasına 2020-ci ilin martında və bütün Özbəkistanda bitkilərin inventarlaşdırılması aparılaraq başlanması planlaşdırılırdı: “2021-ci ilin noyabrında Özbəkistanda Yaşıl Makon (Yaşıl Məkan) proqramı işə salınıb və bu proqram çərçivəsində beş il ərzində ölkədə bir milyard ağacın əkilməsi planlaşdırılır”.
