BAYRAQDAR MEDİA – “İcmaəsaslı məktəbəqədər təhsil” layihəsi çərçivəsində yaradılan ilk5il platformasının məqsədi valideynləri uşaqların 5 yaşınadək dövrünə dair müxtəlif mövzularda maarifləndirməkdir.
Bu haqda xəbər BAYRAQDAR MEDİA-ya Elm və Təhsil Nazirliyindən daxil olub.
Xəbərdə bildirilir ki, “yarandığı gündən Azərbaycan dilində maarifləndirici resurslara əlçatanlığı artırmağı qarşısına məqsəd qoyan ilk5il həmçinin valideyn olmağa hazırlaşanlara dair müxtəlif resurslar təqdim edir. Saytda valideynlərin şəxsi inkişafı, uşaqların sağlamlığı, təlim-tərbiyəsi, inkişaf və psixologiyası ilə bağlı məqalələr, nağıllar (həmçinin səsli), tapmacalar, videodərs və oyunlar yer alır”.
Qeyd edək ki, ilk5il platformasının Instagram səhifəsi və yeni yaradılmış Telegram kanalında da izləyicilər üçün qısa və interaktiv paylaşımlar edilir.
