Son yeniləmə: 11 Avqust 2023 10:15
BAYRAQDAR MEDİA – Türkmənistanın Qazaxıstandakı səfiri Batır Rejepov Qazaxıstanın “Bolaşak” Beynəlxalq Proqramlar Mərkəzinin rəhbəri Oljas Sakenov ilə görüşüb.
Türkmenportalı bildirir ki, “Türkmənistanın Astanadakı diplomatik missiyasının saytında yer alan xəbərə görə, tərəflər ölkələr arasında elm və təhsil sahəsində ikitərəfli əlaqələrin davamlı inkişafını qeyd edib, eləcə də əməkdaşlıq imkanlarının artırılmasının vacibliyini vurğulayıblar”.
Görüşdə Türkmənistan və Qazaxıstanın ali təhsil müəssisələrinin proqramları üzrə elmi-texniki kadrların ixtisaslarının artırılması məqsədilə elmi təcrübələrin təşkil edilməsinin məqsədəuyğun olduğu bildirilib.
Eyni zamanda, tərəflər “Xaricdə Qazaxıstan Təhsil Günləri” sərgiləri ilə bağlı məsələni müzakirə ediblər.
Oljas Sakenov onu da bildirib ki, Qazaxıstan və “Bolaşak” təqaüd proqramı oktyabrın 10-12-də Aşqabadda keçiriləcək səhiyyə, təhsil və idman üzrə beynəlxalq forumda iştirak edəcək.
