Son yeniləmə: 9 Avqust 2023 14:36
BAYRAQDAR MEDİA – Avqustun 8-də nazir müavini Səadət Yusifovanın sədrliyi ilə Mədəniyyət Nazirliyi Apelyasiya Şurasının növbəti iclası keçirilib.
Bu haqda sözügedən Nazirliyin yaydığı xəbərdə deyilir.
Xəbərdə deyilir ki, “iclasda Apelyasiya Şurasının üzvləri – İnsan kapitalının idarə edilməsi şöbəsinin müdiri Şahin Həsənov, Hüquq şöbəsinin müdiri Gülər Mikayılova, Strateji inkişaf və layihələrin idarə edilməsi şöbəsinin müdiri Vüqar Məmmədov, Yaradıcı sənayelər və rəqəmsal inkişaf şöbəsinin müdiri Rəşad Əzizov, Daxili nəzarət və audit şöbəsinin müdiri Cavid Əliyev, Sənədlərlə və vətəndaşlarla iş şöbəsinin müdiri Elçin Nəcəfov iştirak edib”.
Sonra xəbərdə, “iclasda MN-də vakant olan dövlət qulluğu vəzifələrinin tutulması ilə bağlı Dövlət İmtahan Mərkəzinin 13 yanvar 2023-cü il tarixində elan etdiyi müsabiqə üzrə keçirilmiş müsahibələrin nəticələrinə yenidən baxılması ilə bağlı 16 nəfər namizədin apelyasiya şikayətlərinə baxılıb. 16 nəfər namizəddən 5 nəfərin müsahibə nəticəsi dəyişdirilərək vəzifəyə uyğun hesab edilmiş, 11 nəfərin müsahibə nəticəsi isə qüvvədə saxlanılıb” deyə bildirilir.
İclas zamanı namizədlərin müsahibə ilə bağlı fikirləri dinlənilib, DİM tərəfindən təqdim edilmiş müsahibələrin videoçəkilişinə və sənədlərinə əsasən Şura üzvlərinin hazırladığı rəyləri müzakirə olunub. İbrahimzadə Lalə İlqar qızı, Qasımlı Ceyhun Elşən oğlu, Həsənzadə Təbriz Asəf oğlu, Səfərli Teymur Əlisahib oğlu, Hüseynov Bəxtiyar Mirdamət oğlu və Novruzov Nicat Habil oğlu Şuranın iclasında iştirak etmədiyindən onlarla keçirilmiş müsahibənin nəticəsinə dair rəylər Şura üzvləri tərəfindən onların iştirakı olmadan müzakirə olunmuşdur. Sonda Apelyasiya Şurasının üzvlərinin səsverməsinə əsasən iclasda baxılan məsələlərə dair Qərarlar qəbul edilib.
Hüseynova Türkan Şükür qızı, İbrahimzadə Lalə İlqar qızı, Rəhimli Fidan Məmmədağa qızı, Həsənzadə Təbriz Asəf oğlu, Səfərli Teymur Əlisahib oğlu, Quluyev Aqil Əkbər oğlu, Əliyeva Sevinc Zeynal qızı, Qasımlı Ceyhun Elşən oğlu, Novruzov Nicat Habil oğlu, Qəniyev Cəbrayıl Nəriman oğlu və Həsənova Aygün Vidadi qızının şikayətləri ilə əlaqədar Apelyasiya Şurasında qəbul edilən Qərarlara əsasən həmin namizədlərlə əvvəl keçirilmiş müsahibələrin nəticəsinə dair müsahibə komissiyasının qərarları tam obyektiv və əsaslı hesab edilərək dəyişdirilmədən qüvvədə saxlanılıb.
İbrahimova Aidə Kamandar qızı, Rəhimova Əzizə Cəlil qızı, Cümşüdlü Pərviz Telman oğlu, Hüseynov Bəxtiyar Mirdamət oğlu və Ələkbərov Müşviq Azər oğlunun şikayətləri ilə əlaqədar Apelyasiya Şurasında qəbul edilən Qərarlara əsasən həmin namizədlərlə əvvəl keçirilmiş müsahibələrin nəticəsi dəyişdirilərək iddia etdikləri vəzifəyə uyğun hesab edilib.
