Son yeniləmə: 1 Avqust 2023 11:56
BAYRAQDAR MEDİA – “Nar” 2023-cü ilin ilk yarısında keçirilən sorğular əsasında göstərdiyi xidmətlərlə bağlı müştəri məmnuniyyəti göstəricilərini açıqlayıb.
BAYRAQDAR MEDİA-ya veriln məlumata görə, günün istənilən saatında xidmətə hazır olan “Nar”ın 777 Çağrı Mərkəzinə son altı ayda 8 yüz minə yaxın abunəçi müraciəti daxil olub və orta hesabla onlara 2 dəqiqə ərzində cavab verilib. Ötən illə müqayisədə məmnunluq göstəricisi 2 faiz artaraq 91,4 faiz olub.
“Nar” xidmət mərkəzlərinə cari ilin keçdiyimiz dövründə müxtəlif sorğularla müraciət edən 20 mindən çox abunəçinin 98 faizi mobil operatorun göstərdiyi xidmətlərdən razılıqlarını bildiriblər: “Müştərilərin bu xidməti seçməsinin əsas səbəblərindən biri daha rahat xidmət təqdim edən yenilənmiş “Nar” mağazalarının istifadəyə verilməsidir. Bu ilin ilk yarısında yeni standartlara cavab verən 7 “Nar” mağazası təqdim edilib, ilin sonuna qədər isə 12 “Nar” mərkəzi üstün müştəri xidməti üçün hazır vəziyyətə gətiriləcək. 1 milyondan çox abunəçi isə müraciətini “Nar+” tətbiqi vasitəsilə edib. Onların orta hesabla 87,4 faizi bu tətbiq üzərindən rahat şəkildə cavab alıblar. Bundan başqa, “Nar”ın sosial media komandası 40 mindən çox ismarıca operativ reaksiya verib. Müraciətlər daha çox tariflər, internet paketləri və nömrə ilə bağlı əməliyyatlar haqqında olub. Müştəri təcrübəsinin hər zaman yüksəldilməsinədiqqət yetirən “Nar” davamlı olaraq abunəçilər üçün daha rahat istifadəyə yönəlik təkmilləşdirmələr aparır”.
