Son yeniləmə: 31 İyul 2023 16:03
BAYRAQDAR MEDİA – Türkiyənin Türk Dil Qurumu (TDK) Nəşrləri tərəfindən nəşr olunan Krım Tatar Türkcəsi lüğəti rəflərdə öz yerini tutub.
Bu barədə Kırım Haber Ajansı məlumat yayıb.
Bildirilib ki, lüğət, 7 Aralık Kilis Universitetinin müəllimi Dr. Seher Maşkaraoğlu tərəfindən hazırlanıb.
Lüğətin təqdimat hissəsinə aşağıdakı ifadələr daxil edilib: “Krım Tatar Türkcəsi Qara dəniz-Xəzər bölgəsinin qıpçaq dili ərazisində yerləşir. Türk yazılı dilləri arasında tutduğu xüsusi mövqe və geniş söz ehtiyatına görə sahə mütəxəssisləri üçün mühüm mənbədir. Bu gün Türkiyədə Krım tatar mühacirlərinin əhəmiyyətli bir qrupu var. Ölkəmizdə böyük kütlə təşkil edən Krım-tatar əsilli vətəndaşlarımız üçün dil tədrisi üzrə təlimatlar, orijinal ədəbiyyat antologiyaları və əhatəli lüğət yoxdur. Bu araşdırma məhz belə bir töhfə yaratmaq məqsədi ilə hazırlanıb”.
