BAYRAQDAR MEDİA – “Azərbaycan Respublikası Müdafiə Nazirliyi və Özbəkistan Respublikası Müdafiə Nazirliyi arasında imzalanmış 2023-cü il üçün ikitərəfli əməkdaşlıq Planı”na əsasən Daşkənd vilayətinin Çirçik poliqonunda “UZAZ-2023” kompüter dəstəkli taktiki komanda-qərargah təliminin təntənəli açılış mərasimi keçirilib.
Bu haqda xəbər BAYRAQDAR MEDİA-ya iyulun 30-da Azərbaycan Müdafiə Nazirliyindən daxil olub.
Xəbərdə deyilir ki, “əvvəlcə hər iki ölkənin Dövlət himnləri səsləndirilib. Mərasimdə çıxış edənlər Azərbaycan və Özbəkistan arasında hərbi və hərbi təhsil sahəsində əməkdaşlığın yüksək səviyyədə olduğundan danışıb, təlim iştirakçılarına uğurlar arzulayıblar”.
Daha sonra bildirilir ki, “çıxışlar zamanı, həmçinin ilk dəfə təşkil edilən kompüter dəstəkli birgə təlimin ordularımız arasında mövcud ikitərəfli əlaqələrin daha da gücləndirilməsinə xidmət edəcəyinə əminlik ifadə olunub”.
O da qeyd edilib ki, “UZAZ-2023” təlimi hər iki ölkənin hərbi qulluqçuları arasında qarşılıqlı təcrübə mübadiləsi aparılmasına, onların peşəkarlığının və hazırlıq səviyyəsinin daha da artırılmasına böyük töhfə verəcək.
Mərasimin sonunda təlim iştirakçılarının təntənəli keçidi olub.
