BAYRAQDAR MEDİA– Türkmənistan ölkənin xarici siyasət fəaliyyəti ilə bağlı müxtəlif sənədlər hazırlayır. Müvafiq təklifləri Nazirlər Şurası sədrinin müavini, xarici işlər naziri Rəşid Meredov təqdim edib.
Atavatan Türkmenistan xəbər verir ki, bu təkliflər arasında Türkmənistanın xarici siyasətinin əsas aspektlərinin ortamüddətli strategiyası da var: “Bundan əlavə, “Birləşmiş Millətlər Təşkilatı Baş Assambleyasının 78-ci sessiyasında Türkmənistanın prioritet tövsiyələri” daxildir. Sənəddə sülh, təhlükəsizlik və davamlı inkişaf, ekologiya və ətraf mühitin mühafizəsi, iqlim dəyişikliyi, səhiyyə və humanitar sahə ilə bağlı qlobal gündəliyin ən mühüm məsələlərinə ölkənin təşəbbüsləri və yanaşmaları göstəriləcək”.
Məlumata əsasən, “Türkmənistanın xarici siyasətinin əsas aspektləri üzrə ortamüddətli strategiya” layihəsi də hazırlanacaq. Bundan əlavə, “2024-2025-ci illər üçün Türkmənistanın turizm sənayesində beynəlxalq əməkdaşlığının inkişafı proqramı” layihəsi müzakirə olunacaq: “Proqram beynəlxalq turizm təşkilatları ilə əməkdaşlığın artırılması, xarici tərəfdaşlarla təcrübə mübadiləsinin aparılması və birgə tədbirlərin təşkili məqsədi daşıyır”.
