Son yeniləmə: 27 İyul 2023 11:36
BAYRAQDAR MEDİA – Park Cinema Alov Qüllələri kinoteatrında “Gizli zərbə” filminin qapalı nümayişi keçirilib.
Bu barədə BAYRAQDAR MEDİA-ya Park Cinema kinoteatrlar şəbəkəsindən məlumat verilib.
Bildirilib ki, filmin nümayişindən öncə, qonaqlar filmə həsr olunan, əyləncə dolu tədbirdə iştirak ediblər: “Tədbirdə 280 nəfərə yaxın qonaq iştirak etdi, bunların arasında KİV nümayəndələri, blogerlər,aktyorlar, mədəniyyət və incəsənət xadimləri yer aldılar”.
Qeyd edilib ki, “Gizli Zərbə” filminin qapalı nümayişi rəsmi premyeradan 2 gün öncə keçirilib və nümayişdə iştirak edənlər filmi ilk izləyənlərdən olub: “Baş rollarda Ceki Çan və Con Sinanın olduğu filmdə, iki keçmiş xüsusi təyinatlı əsgərin, İraqda xilasetmə əməliyyatından behs edilir. Böyük qarət həyata keçirmək istəyən dəstənin qarşısını yalnız baş qəhramanlarımız ala bilər. Tamaşaçılar 27 iyul tarixindən etibarən “Gizli zərbə” filminə Park Cinema şəbəkəsinin Park Bulvar, Metro Park, Alov Qüllələri, Aygün Mall və Zagulba Mall kinoteatrlarında izləyə bilərlər”.
