BAYRAQDAR MEDİA – Qazaxıstanın dövlət başçısı Qasım-Jomart Toqayev müdafiə naziri Ruslan Jaksılıkovu qəbul edib.
Bu barədə Tengrinews.kz Akordanın saytına istinadən xəbər verir.
Bildirilir ki, Qasım-Jomart Toqayev müdafiə idarəsinin rəisi Ruslan Jaksylykovun 2023-cü ilin birinci yarısının fəaliyyətinin yekunlarına dair hesabatını dinləyib.
Görüşdə müdafiə naziri ərazi müdafiəsinin gücləndirilməsi istiqamətində həyata keçirilən tədbirlər barədə dövlət başçısına məruzə edib. Silahlı Qüvvələrin sülhməramlı fəaliyyətinə dair ayrıca məlumat verilib.
Xəbərdə deyilir ki, “Qasım-Jomart Toqayevə çağırışçılar və hərbi xidmət keçmiş vətəndaşlar haqqında məlumatların rəqəmsallaşdırılması tədbirləri barədə məlumat verilib. Görüşün yekununda Prezident Qasım-Jomart Toqayev Silahlı Qüvvələrin döyüş hazırlığının artırılması məsələlərinə xüsusi diqqət yetirərək bir sıra tapşırıqlar verib”.
