BAYRAQDAR MEDİA – İyulun 25-də Xətai Sənət Mərkəzində yeniyetmə və gənclər arasında rəssamlıq sənətinə marağın artırılması və idmanın gənclər arasında təbliği və təşviqi məqsədi ilə “İdman hamı üçündür” adlı rəsm sərgisi açılıb.
Bu haqda xəbər BAYRAQDAR MEDİA-ya sözügedən Mərkəzdən daxil olub.
Xəbərdə bildirilir ki, “tədbir Bakı Şəhər Gənclər və İdman İdarəsi, Xətai Rayon İcra Hakimiyyəti və XSM-nin birgə təşkilatçılığı ilə 26 iyul – Gənclər və İdman Nazirliyinin yaranması günü münasibəti ilə 9-29 yaş arası yeniyetmə və gənclər arasında elan olunmuş və 150-yə yaxın müəllifin hər birindən bir əsər olmaqla sərgilənib. Tədbiri BŞGİİ Xətai rayonu üzrə sektor müdiri Elvin Orucov açaraq iştirakçıları salamlayıb. Söz alan XRİH-nin İctimai-siyasi və humanitar məsələlər şöbəsinin müdiri Pənah İmanov tədbirin əhəmiyyətindən və Azərbaycan hökumətinin gənclərə və idmana olan qayğısından danışıb. Sonra XSM-nin direktoru Zahid Əvəzov sərgi haqda ürək sözlərini iştirakçılarla bölüşüb və sərgi iştirakçılarını təbrik edib. Tədbir sertifikatların verilməsi və şəkillərin çəkilməsi ilə başa çatıb”.
Qeyd edək ki, sərgilənən əsərlər müxtəlif idman növləri, idmançıların simaları, idman alətləri, idman geyim nümunələri mövzularında olub.
