Son yeniləmə: 21 İyul 2023 11:11
BAYRAQDAR MEDİA – Qırğızıstanın Çolpon-Ata şəhərinin hakimiyyəti polis əməkdaşları ilə birlikdə İssık-Kul sahillərində yerləşən rusiyalıların uşaqların hərbi təhsili ilə məşğul olan qanunsuz çadır şəhərciyini bağlayıb.
Bu barədə Arbat.Media xəbər verir.
Məlumata görə, düşərgədə Rusiyanın Surqut şəhərindən gələn 20 uşaq və beş böyük olub: “Rusiya vətəndaşları özləri bəyan ediblər ki, onlar “orta məktəb şagirdləri və gənclərin hərbi-vətənpərvərlik tərbiyəsi” ilə məşğul olan “Xantı-Mansi Muxtar Dairəsi-Yuqra Dəniz Piyadaları İttifaqı”nın üzvüdürlər. Onlar iddia ediblər ki, Qırğızıstana “Qırğızıstan Hərbi Dəniz Qüvvələri Veteranları İttifaqı” və “Pantera” hərbi idman klubunun dəvəti ilə Qırğızıstan Müdafiə Nazirliyi Baş Qərargahın dəstəyi ilə keçirilən dəniz yarışları üzrə beynəlxalq forumda iştirak etmək üçün gəliblər. Yerli hakimiyyət orqanlarının bildirdiyinə görə, düşərgənin bağlanmasına səbəb gələnlərin müvafiq qurumların razılığı olmadan onu təşkil etməsi və sanitar normaları pozması olub”.
Bildirilib ki, Yetkinlər klubunun üzvləri pozuntulara görə 5000-15000 som (57-170 ABŞ dolları) məbləğində cərimələnib: “Uşaqlar Çolpon-Atadakı “Zelenstroy” bələdiyyə müəssisəsinin ərazisində müvəqqəti olaraq çadırlara yerləşdirilib. Məlumata əsasən, ruslar artıq 2019-cu ildə İssık-Kula gəldiklərini, rəsmilərin razılığı olmadan da düşərgə qurduqlarını və 40 gün gölün sahilində qaldıqlarını bildiriblər”.
