BAYRAQDAR MEDİA – İyulun 14-də müəllimlərin işə qəbulu (MİQ) müsabiqəsinin test imtahanlarına Azərbaycan dili və ədəbiyyat üzrə 7 min 187, Azərbaycan dili (rus bölməsi) üzrə 196, ingilis dili üzrə 5 min 635, təsviri incəsənət fənnindən isə 1 min 468 namizəd dəvət olunub.
Bu haqda xəbər BAYRAQDAR MEDİA-ya Elm və Təhsil Nazirliyindən daxil olub.
Xəbərdə deyilir ki, “MİQ yüksək bilik və bacarığa malik təhsilverənlərin aşkarlanmasında bərabər, ədalətli imkandır. Cari ildə MİQ vasitəsilə 10 min 000 müəllimin işə qəbulu hədəflənib. 11-15 iyul tarixlərini əhatə edən test imtahanları 13 müxtəlif şəhər və rayon üzrə ümumilikdə 29 mərkəzdə təşkil olunur. İmtahanlarda namizədlərə 150 dəqiqə vaxt verilir”.
