Son yeniləmə: 12 İyul 2023 12:23
BAYRAQDAR MEDİA – “Biz Türkiyə olaraq hər zaman Azərbaycanın yanındayıq. Azərbaycanın da bizim yanımızda olduğunu bilirik. Biz iki qardaş dövlətik. Biz Azərbaycanı hər zaman çox sevdik, indi də çox sevirik və gələcəkdə də çox sevəcəyik. Bu baxımdan təhlükəsilzik məsələsində də Azərbaycana hər hansı təhdid olanda Türkiyə olaraq hər zaman qardaş ölkənin yanında yer aldıq və kimsə şübhə etməsin ki, bundan sonra da hər zaman yer alacağıq”.
Bunu BAYRAQDAR MEDİA-ya özəl müsahibəsində Eskişehir Osmangazi Universitetinin (ESOGÜ) rektoru Prof. Dr. Kamil Çolak deyib. Qeyd edək ki, müsahibəni gün ərzində oxuculara təqdim edəcəyik.
CASCFEN sədri Eskişehir Osmangazi Universitetinin rektoru ilə görüşüb
Rektor qeyd edib ki, bu qardaşlıq bağından irəli gələrək, 44 günlük Vətən savaşında da Türkiyədə 7-dən 77-yə hər kəs Azərbaycanın yanında oldu: “Azərbaycanın əldə etdiyi tarixi Zəfər bizləri sevindirdi. Çünki bu, həm də Türkiyənin və bütün türk dünyasının qələbəsi idi. Biz dünya siyasətində də hər zaman Azərbaycanın yanında olmaqda davam edəcəyik. Azərbaycanı çox sevirik.
Eyni zamanda, yaranmış fürsətdən istifadə edərək onu bildirmək istəyirəm ki, zaman-zaman Azərbaycan səfirliyindən, mədəniyyət ateşeliyindən təmsilçilər də universitetimizə gəlir. Onlar burdakı azərbaycanlı tələbələrin təhsili ilə maraqlanır, bizdən bilgi alırlar. Biz də xarici tələbələrə, o cümlədən Azərbaycandan olan tələbələrə sahib çıxmaq, onların yanında olmaq üçün çalışırıq. Həm Azərbaycanda, həm də Türkiyədə olan universitetlərin dünya reytinqində irəlidə olmasını istəyirik”.
