BAYRAQDAR MEDİA – İyulun 12-si saat 13:50-dən 17:00-dək Ermənistan silahlı qüvvələrinin bölmələri Qarakilsə rayonunun Qızılcıq və Basarkeçər rayonunun Yuxarı Şorca yaşayış məntəqələri istiqamətlərində yerləşən mövqelərindən Azərbaycan Ordusunun Laçın rayonunun Minkənd və Kəlbəcər rayonunun Mollabayramlı yaşayış məntəqələri istiqamətlərində yerləşən mövqelərini atıcı silahlardan fasilələrlə atəşə tutub.
Bu haqda xəbəri BAYRAQDAR MEDİA-ya Müdafiə Nazirliyindən veriblər.
O da bildirilir ki, Azərbaycan bölmələri qeyd olunan bütün istiqamətlərdə uyğun cavab tədbirləri görüb.
