Son yeniləmə: 12 İyul 2023 14:06
Prof. Dr. Kamil Çolak: Yeni dönəmdə Eskişehir Osmangazi Universitetini dünya sıralamalarında daha da yuxarı pillələrə qaldırmaq istəyirik
BAYRAQDAR MEDİA – “Hər şeydən öncə yeni tədris ilində Azərbaycandan gənclərin təhsil üçün bura daha çox gəlməsini arzu edir və bunu gözləyirik. Bundan başqa bildiyiniz kimi universitetlər akademik fəaliyyətləri ilə də fərqlənir. Bu baxımdan bizim müəllimlərimizin də akademik fəaliyyətləri davam edir və yeni dönəmdə bu işlərin daha da irəli getməsi üçün müəyyən addımlar atacağıq”.
Bunu BAYRAQDAR MEDİA-ya özəl müsahibəsində Eskişehir Osmangazi Universitetinin (ESOGÜ) rektoru Prof. Dr. Kamil Çolak deyib. Qeyd edək ki, müsahibəni gün ərzində oxuculara təqdim edəcəyik.
Prof. Dr. Kamil Çolak: Türkiyə olaraq hər zaman Azərbaycanın yanındayıq
Rektor həmçinin, “Öz növbəsində müəllimlərimiz fəaliyyətləri boyunca xarici və yerli elmi dərgilərdə məqalələr yazaraq həm dünya, həm də Türkiyə çapında Eskişehir Osmangazi Universitetini yuxarı pillərə qaldırırlar. Biz də bundan məmnun oluruq. Müəllimlərimiz dünya tərəfindən qəbul edilən və yüksək dəyərləndirilən yüksək indeksli elmi dərgilərdə məqalələr dərc edərək universitetimizi dünyada tanıdırlar. Bir sözlə, yeni dönəmdə Eskişehir Osmangazi Universitetini dünya sıralamalarında daha da yuxarı pillələrə qaldırmaq istəyirik” deyə əlavə edib.
