Son yeniləmə: 25 İyun 2023 13:22
BAYRAQDAR MEDİA – Astanada tatarların və başqırdların milli bayramı olan “Sabantuy” şəhər administrasiyasının yaxınlığındakı meydanda qeyd olunub.
Bu barədə KAZİNFORUM məlumat yayıb.
Bildirilib ki, bayramın qonaqları müxtəlif müsabiqələrdə və el şənliklərində iştirak edib, tatar xalqının adət-ənənələri ilə tanış olub, milli yeməklərdən dadıblar. Tədbirdə Astana şəhərinin “Duslıq” tatar ansamblı, Kazanlı sənətçilər və başqaları iştirak ediblər.
Məlumata əsasən, “Sabantuy” hər il bütün dünyada qeyd olunan və bir çox türk xalqlarını birləşdirən qədim el bayramıdır.
