Son yeniləmə: 22 İyun 2023 11:22
BAYRAQDAR MEDİA – Qarabağ xanı Pənahəli xanın nəslinin davamçısı olan Əkbərovlar ailəsi İspaniyanın paytaxtı Madrid şəhərində yaşayır.
Diasporla İş üzrə Dövlət Komitəsinin Youtube kanalı olan Diaspor TV-nin “Vətən uzaqda deyil” proqramının çəkiliş qrupu bu günlərdə İspaniyaya ezam olunub və ailənin qonağı olub.
Komitədən BAYRAQDAR MEDİA-ya iyunun 22-də verilən məlumata görə, verilişdə xan nəslindən olan ailənin taleyi, o cümlədən Azərbaycandan köçmə səbəbləri, övladlarının təhsil imkanları barədə danışılıb, milli adət-ənənələrimizə, islam dəyərlərinə bağlılıqlarına geniş yer verilib.
Vəsilə Vahidqızının müəllifi olduğu “Vətən uzaqda deyil” verilişi İctimai TV-də yayımlanıb.
