BAYRAQDAR MEDİA – AMEA Mərkəzi Elmi Kitabxanasındakı nəşrlər sırasında “Əbdürrəhim bəy Haqverdiyevin arxivindən nümunələr” (Əbdürrəhim bəy Haqverdiyev – 150) kitabı da var.
Kitab AMEA Məhəmməd Füzuli adına Əlyazmalar İnstitutu Elmi Şurasının qərarı ilə nəşr olunub.
Nəşrdə XX əsr Azərbaycan ədəbiyyatının görkəmli nümayəndəsi Ə.Haqverdiyevin Əlyazmalar İnstitutundakı şəxsi arxivində əlyazma şəklində saxlanılan və ədibin indiyədək nəşr olunmuş kitablarına daxil edilməyən pyes və məqalələri, eləcə də ədəbi fəaliyyətinin 35 illiyinə həsr edilmiş məqalələr və s. yer alır.
Kitabın girişində Ə.Haqverdiyevin 150 illik yubileyinin qeyd edilməsi haqqında Prezidentin Sərəncamı verilib.
Qeyd edək ki, kitabın elmi redaktoru akademik Teymur Kərimli, ön sözün müəllifi filologiya elmləri doktoru Nailə Səmədova, tərtib edib nəşrə hazırlayanları filologiya elmləri doktoru Nailə Səmədova, filologiya üzrə fəlsəfə doktoru Könül Bağırovadır.
