BAYRAQDAR MEDİA – AMEA Mərkəzi Elmi Kitabxanasında qorunan nəşrlərdən biri də müəllifi tarix üzrə fəlsəfə doktoru Yunis Hüseynov olan “Qarabağ – Şuşa” kitabıdır.
Nəşrdə “kitab müəllif tərəfindən oxuculara hədiyyədir” deyə qeyd olunub.
Kitabda Şuşa şəhərinin təbii-coğrafi mövqeyi, fauna və florası, kənd təsərrüfatı, kustar sənayesi, ticarət əlaqələri, Qarabağ xanlığı dövründə qadın və kişilərin geyim formaları, məişətləri, elmin, ədəbiyyatın, incəsənətin inkişafı hərtərəfli araşdırılıb. Həmçinin nəşrdə Şuşanın yetirdiyi tarixi şəxsiyyətlər haqqında, faşist hayların şəhərdə və o cümlədən də Qarabağda törətdikləri qanlı cinayətləri, 44 günlük zəfər müharibəsi və onun nəticələri, Şuşa şəhərinin Azərbaycan Mədəniyyət Mərkəzi elan olunması, Şuşanın daxilində və ətrafında mövcud olan yer adları və başqa tarixi hadisələr verilib.
Qeyd edək ki, kitabın redaktoru və rəyçisi tarix üzrə elmlər doktoru, Prof. Zabil Bayramlı, rəyçiləri tarix üzrə elmlər doktoru X.S.Qasımov, tarix üzrə fəlsəfə doktoru B.O.Əzizdir.
