Son yeniləmə: 13 İyun 2023 15:46
Prof. Dr. Fuat Erdal: Azərbaycan qardaş və dost ölkə kimi bizim üçün böyük əhəmiyyət kəsb edir
BAYARQDAR MEDİA – Qardaş Türkiyənin Eskişehir şəhərində yerləşən Anadolu Universitetində 2022-2023 tədris ili məzunlarının məzuniyyət törənləri keçirilib.
Unuversitetdən BAYRAQDAR MEDİA-ya verilən məlumata görə, 9-11 iyun tarixlərində keçirilən buraxılış mərasimlərində tələbələr məzuniyyət sevincini yaşayıblar.
Məlumata görə, Eskişehir Şehit Anıl Gül İdman Salonunda keçirilən mərasimlərdə Açıq Təhsil (Açıköğretim) fakültəsi, İqtisadiyyat və İşlətmə fakültələrinin məzunları papaqlarını havaya atıblar: Törənə rektor Prof. Dr. Fuat Erdal, rektor yardımçıları Prof. Dr. Süleyman Sözen, Prof. Dr. Betül Demir, Prof. Dr. Fatih Temizel, Prof. Dr. Ali Resul Usul, Açıköğretim Fakultəsi dekanı Prof. Dr. İbrahim Kaya, İqtisadiyyat fakultəsi dekanı Prof. Dr. Selami Sezgin, İşlətmə fakultəsi dekanı Prof. Dr. Bayram Zafer Erdoğan, müəllim və tələbələr qatılıb”.
Anadolu Universiteti açıq və distant təhsil üzrə dünyanın nümunəvi universitetləri sırasındadır
Mərasimdə çıxış edən rektor Prof. Dr. Fuat Erdal deyib: “Bu gün məzun olmaqdan qürur duyduğunuz Anadolu Universiteti Açıq Təhsil, İqtisadiyyat və İşlətmə fakültələri təkcə Türkiyədə deyil, bütün dünyada lazımi meyarlara cavab verməklə yanaşı, böyük nüfuza və hər il artan marağa malikdir. Açıq Təhsil Sistemimiz güclü texnoloji infrastrukturu və ekspert təhsil heyəti ilə beynəlxalq əməkdaşlığın cazibə mərkəzinə çevrildiyi halda, fəxrlə qeyd etmək istərdim ki, universitetimiz açıq və distant təhsil üzrə dünyanın nümunəvi universitetləri sırasındadır”.
Rektor deyib ki, Anadolu Universiteti Açıq Təhsil Sistemi, hər zaman özünü yenilədiyi açıq və distant təhsil üsulları ilə milli sərhədləri aşaraq bir çox fərqli qitə və coğrafiyada onlarla proqramı ilə Türkiyə və Dünya Ali Təhsil Sistemində bir çox ilkləri və yenilikləri həyata keçirməyə davam edir.
Qeyd edək ki, mərasimə Anadolu Üniversiteti Azərbaycan Programları Öğrenci işleri müdiri Araz Hətəmzadə və bir qrup azərbaycanlı tələbə də qatılıb.
Rektor mərasimdə Azərbaycan bayraqları ilə ön sıralarda olan və böyük coşqu ilə qarşılanan azərbaycanlı tələbələri də məzuniyyət münasibəti ilə təbrik edib: “Bu gün biz dünya universiteti olaraq keyfiyyətli ali təhsil xidmətlərini hamı üçün əlçatan etmək anlayışımızın nəticələrini görürük. Anadolu Universiteti olaraq Azərbaycan proqramlarımız 10 ildən artıqdır ki, davam edir. Qardaş və dost ölkə kimi Azərbaycanın bizim üçün böyük əhəmiyyəti var. Digər tərəfdən, Anadolu Universiteti 40 ildir açıq və distant təhsil verən bir qurumdur”.
Dünyanın 3-cü ən böyük universitetindən biri
Rektorun sözlərinə görə, Anadolu Universiteti 1 milyon 200 min tələbəsi ilə dünyanın 3-cü ən böyük universitetidir: “Azərbaycan proqramları bizim köklü proqramlarımızdan biridir. Bu gün biz tələbələrimizi məzun etmənin qürurunu yaşayırıq. Bu gündən etibarən Anadolu Universitetinin bayrağını uğurla daşıyacaq məzunlarımızı təbrik edirəm”.
