BAYRAQDAR MEDİA – 12 iyun türk dünyasının böyük yazıçısı İsa Muğannanın (Hüseynov) doğum günüdür. Bu münasibətlə Azərbaycan Milli Elmlər Akademiyasının (AMEA) Mərkəzi Elmi Kitabxanasında (MEK) İsa Muğanna (Hüseynov) – 95 adlı sərgi təşkil olunub.
Bu haqda xəbər BAYRAQDAR MEDİA-ya iyunun 12-də sözügedən Kitabxanadan daxil olub.
Xəbərdə deyilir ki, “sərgidə görkəmli ədibin “Bizim qızlar”, “Dan ulduzu”, “Hekayələr”, “Yanar ürək”, “Doğma və yad adamlar”, “Teleqram”, “Tütək səsi”, “Pyeslər”, “Kollu koxa”, “Ömrümdə izlər”, “Saz”, “Məhşər”, “İdeal”, “Türfə”, “Qəbiristan”, “Cəhənnəm”, “İsahəq-Musahəq” və digər kitabları nümayiş olunur. Müasir Azərbaycan ədəbiyyatının parlaq simalarından olan İ.Muğanna öz yaradıcılığı ilə milli bədii fikrin zənginləşməsində mühüm rol oynayıb. O, nəsrimizin əsaslı şəkildə yeni mərhələyə qədəm qoymasının fəal iştirakçısı olub. Onun haqqında dünya şöhrətli yazıçı Çingiz Aytmatov “Bizim hamımız İsa Muğannadan təsirlənmişik və öyrənmişik” deyib”.
Qeyd edək ki, sərgi 2 həftə davam edəcək.
