BAYRAQDAR MEDİA – YARAT Müasir İncəsənət Məkanı XX-XXI əsrlər Azərbaycan Rəngkarlığı Muzeyində keçiriləcək böyüklər üçün “Özünü kəşf et” ustad dərslərinin iyun proqramını açıqlayıb.
Bu haqda YARAT-ın yaydığı xəbərdə deyilir.
Xəbərdə bildirilir ki, “ustad dərsləri iyunun 14, 21-i tarixlərində “Qadın obrazı”, “Çağdaş qadın” mövzularında olacaq. İslam Həsənzadənin rəhbərlik etdiyi “Qadın obrazı” mövzusunda keçiriləcək dərsdə ilk növbədə iştirakçılar rəssamın heykəltəraşlıq texnikası ilə tanış olacaqlar, daha sonra süngərdən qadın obrazı yaradacaqlar və onu pastellə rəngləyəcəklər. Rəssam Ramal Kazımın rəhbərlik etdiyi “Çağdaş qadın” mövzusundakı dərsdə isə iştirakçılar əvvəlcə “müasir qadın kimdir?” mövzusu ətrafında müzakirə aparacaqlar, daha sonra çağdaş qadın obrazını akvarel kağızı üzərində akril boyalarla təsvir edəcəklər”.
Qeyd edək ki, dərslər saat 19:00-da başlayacaq.
