Son yeniləmə: 8 İyun 2023 11:25
BAYRAQDAR MEDİA – Qətər Əmiri Şeyx Təmim bin Həməd Al Tani Özbəkistana dövlət səfəri edib.
Atavatan-Türkmenistan xəbər verir ki, Səmərqənd Konqres Mərkəzində Özbəkistan Prezidenti Şavkat Mirziyoyev və Qətər Əmiri Şeyx Təmim bin Həməd Al Tani arasında danışıqlar olub.
Yüksək səviyyəli danışıqların sonunda iki ölkə liderlərinin iştirakı ilə ticarət-iqtisadi, investisiya, mədəni-humanitar və digər sahələrdə əməkdaşlığın daha da inkişaf etdirilməsi və dərinləşdirilməsinə yönəlmiş 15 ikitərəfli sənədin imzalanması mərasimi keçirilib: “Digər məsələlərlə yanaşı, xarici işlər və ədliyyə nazirlikləri arasında 2023-2025-ci illər üçün əməkdaşlıq proqramları, habelə prioritet investisiya layihələrinin maliyyələşdirilməsi üçün birgə platformanın yaradılması haqqında saziş imzalanıb. Danışıqlar zamanı tərəflər birgə mədəniyyət həftələri, konsertlər, ekspozisiyalar, əl işləri və kulinariya sərgiləri də daxil olmaqla, mədəni, təhsil və turizm mübadilələrinin artırılmasına yönəlmiş səyləri hərtərəfli dəstəkləməyə hazır olduqlarını bildiriblər”.
Qeyd olunub ki, iki ölkənin paytaxtları arasında müntəzəm aviareyslərin açılması planlaşdırılıb, işgüzar əlaqələrin artmasına və qarşılıqlı turist axınının artmasına töhfə verəcək.
