BAYRAQDAR MEDİA – İyunun 7-də Kərküklü (İraq) jurnalist, yazıçı, araşdırmaçı Şəmsəddin Kuzəçi, yazıçı, şair Coşkun Karabulut Əməkdar jurnalist, BAYRAQDAR MEDİA-nın rəhbəri Azər Həsrətin müşayiəti ilə Azərbaycan Milli Elmlər Akademiyasının (AMEA) Mərkəzi Elmi Kitabxanasında (MEK) qonaq olublar.
Qonaqları MEK-in baş direktoru, Prof. Məmməd Əliyev qarşılayaraq kitabxana haqqında onlara ətraflı məlumat verib.
Ziyarət zamanı qonaqlar MEK-in Sərgi salonu, Qarabağ müharibəsi qəhrəmanları fondu, AMEA-nın 15 təsisçisinin büstlərindən ibarət qalereya, Akademiklər zalında yerləşən və dünya dövlətlərinin səfirlikləri tərəfindən hədiyyə edilən nəşrlərdən ibarət Diplomatik fond ilə tanış olub, buradakı kitablara nəzər yetiriblər.
Sonda MEK-ə qonaqlar öz kitablarını bağışlayıblar, həmçinin kitabxana tərəfindən də onlara hədiyyələr təqdim edilib.
