Son yeniləmə: 7 İyun 2023 12:31
BAYRAQDAR MEDİA – Özbəkistanın Centrum Air aviaşirkəti Qazaxıstana uçuşlara başlayır. Qazaxıstan və Özbəkistan arasında uçuşların sayının artırılması iki ölkə arasında ticarət-iqtisadi, turizm və mədəni əməkdaşlığın daha da inkişafına töhfə verəcək.
Bu barədə Qazaxıstanın Sənaye və İnfrastrukturun İnkişafı Nazirliyinin Mülki Aviasiya Komitəsi məlumat yayıb.
Aikyn.kz xəbər verir ki, komitədən verilən məlumata görə, sözügedən şirkət iyunun 5-dən etibarən A-320 təyyarəsi ilə Almatı-Daşkənd marşrutu üzrə həftədə 3 dəfə (bazar ertəsi, çərşənbə, cümə) müntəzəm birbaşa sərnişin reyslərinə başlayacaq.
Bildirilib ki, Qazaxıstan və Özbəkistan arasında uçuşların sayının artırılması iki ölkə arasında ticarət-iqtisadi, turizm və mədəni əməkdaşlığın daha da inkişafına töhfə verəcək. Bu həm də aviabiletin qiymətini aşağı salmağa imkan verir.
