Elvin Hasan: Recep Tayyip Erdoğanın qələbəsindən sonra bu istqamətdə yeni addımlar atılacaq
BAYRAQDAR MEDİA – “Öncə sayın Cümhurbaşqanı Recep Tayyip Erdoğanı qələbəsi münasibəti ilə təbrik edir və ona uğurlar arzulayıram. Eyni zamanda, bu seçkilərin demokratik, sabit bir şəraitdə keçməsinə görə də Türkiyə ictimaiyyətini, o cümlədən seçiciləri təbrik edirəm”.
Bunu Türkiyədəki seçkilərin nəticələrini BAYRAQDAR MEDİA üçün dəyərləndirən Quzey Makedoniyanın sabiq naziri, hazırda informasiya və idarəetmə nazirinin müşaviri və bu ölkədəki Türk Hərəkat Partiyası Mərkəzi Yönətim Qurulunun üzvü olan Elvin Hasan deyib.
Bu nəticələrin Balkanlar baxımından əhəmiyyətinə gəlincə, E.Hasan öncə aşağıdakıları deyib: “Balkanlara baxdığımız zaman, türklər dağınıq halda yaşamaqdadır. Balkanlardakı hər bir ölkədə türk azlığı var. Onu da qeyd edim ki, Balkan ölkələri Avropa Birliyini əsas götürüblər. Bolqarıstan, Yunanıstan, və Rumıniya artıq AB üzvüdür. Bölgənin digər ölkələri də bu istiqamətdə addımlamaqdadırlar. Yəni Balkan ölkələrini birinci hədəfi AB-yə üzvülük, yaxud da AB üzvü kimi bu qurumda öz mövqeyini gücləndirməkdir. Bu baxımdan Türkiyə ilə Balkan ölkələri arasında əməkdaşlıq da önəm kəsb edir”.
Türkiyənin Balkan ölkələri ilə sıx əməkdaşlıq etdiyini deyən R.Hasan R.T.Erdoğanın qələbəsindən sonra bu istqamətdə yeni addımların atılacağını bildirib: “Türkiyə ilə Balkan ölkələri arasında mədəni və tarixi bağlar var. Eyni zamanda iqtisadi sahədə də əlaqələr dərinləşməkdədir. Əminəm ki, gələcəkdə Türkiyə ilə Balkan ölkələri arasındakı əməkdaşlıq daha da genişlənəcək. Yəni bu əməkdaşlığın dərinləşməsi həm Balkanlar, həm də Türkiyə üçün önəmlidir. Biz türklər baxımından bölgədə sabitlik çox önəmlidir. Türkiyənin bölgə ölkələri ilə əməkdaşlığının dərinləşməsi də bölgəsə sabitlik və inkişaf vəd edir. Digər tərəfdən bu, biz türklərin də inteqrasiyasına əlavə dəstək verir”.
