BAYRAQDAR MEDİA – Mayın 22-26-da Azərbaycan Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin nümayəndə heyəti Moldovanın Kişinyov şəhərində beynəlxalq tədbirdə iştirak edib.
Bu haqda xəbər BAYRAQDAR MEDİA-ya mayın 31-də “ASAN xidmət”dən daxil olub.
Xəbərdə qeyd olunur ki, ““Şərq tərəfdaşlığında dövlət xidmətlərinin dizaynı və çatdırılması” mövzusunda keçirilən tədbirin təşkilatçısı Almaniya Beynəlxalq Əməkdaşlıq Cəmiyyətidir. Tədbirdə dövlət xidmətlərinin çatdırılmasında beynəlxalq brendə çevrilən “ASAN xidmət” modelinin timsalında Azərbaycanda sosial innovasiyalar sahəsində həyata keçirilən işlər və naliyyətlər tədbirdə diqqət mərkəzində olub”.
Görüşdə Azərbaycan, Ukrayna, Gürcüstan, Moldovanın müvafiq qurumlarının 30-dan çox nümayəndəsi iştirak edib. İştirakçılar Şərq Tərəfdaşlığı ölkələrində dövlət xidmətlərinin göstərilməsində innovativ yanaşmaların tətbiqi və rəqəmsal alətlərin istifadəsinə dair təcrübələrini paylaşmaqla yanaşı, Estoniya və Ukraynadan olan ekspertlərin iştirakı ilə vörkşoplarda da iştirak ediblər.
