Son yeniləmə: 30 May 2023 14:19
BAYRAQDAR MEDİA – KKTC-də iyunun 25-də keçiriləcək ara seçkilərdə Ulusal Birlik Partiyasının millət vəkili namizədi Ali Başman Lefkoşada keçirilən tədbirdə partiya üzvləri ilə görüşüb.
Haber Kibirs xəbər verir ki, Golden Tulip Hoteldə baş tutan tədbirdə UBP sədri, baş nazir Ünal Üstel, nazirlər, millət vəkilləri və UBP-yə könlünü verən vətəndaşlar iştirak edib.
UBP Lefkoşa İlçe Başkanı və millət vəkili Sadık Gardiyanoğlu partiya üzvləri qarşısında etdiyi çıxışda A.Başmana dəstək istəyib və seçki qələbəsinin yaxınlaşdığını bildirib.
S.Gardiyanoğlu, “UBP-nin günəşi kimi hərarətlə, adı kimi birlik içində bu seçkini birlikdə yekunlaşdırmağa hazırıq” deyib.
UBP-nin baş katibi Oğuzhan Hasipoğlu bildirib ki, Ali Başmanın namizədliyi ölkə siyasəti üçün çox dəyərlidir.
UBP millət vəkili namizədi Ali Başman çıxışına namizədliyi gündəmə gəldiyindən bəri ona göstərilən maraq və dəstəyə təşəkkür edərək başlayıb.
UBP sədri Baş nazir Ünal Üstel bütün sorğularda Ali Başmanın adının önə çıxdığını, ona namizədlik tapşırığı verdiklərini, vəzifəni məmnuniyyətlə qəbul etdiyini və UBP-nin gücünü artırdığını bildirib.
