BAYRAQDAR MEDİA – 3, 17, 10, 24 iyunda saat 12:00-da YARAT-ın XX-XXI əsrlər Azərbaycan Rəngkarlığı Muzeyində 8-12 yaş uşaqlar üçün yenilənmiş iyun proqramı ilə Little YARAT ustad dərslərinə başlayır.
Bu haqda YARAT-ın yaydığı xəbərdə deyilir.
Xəbərdə deyilir ki, “”Çəhrayı-qara kompozisiya” mövzusunda olacaq ustad dərsində iştirakçılar rəssam Erkin Ələkbərlinin cari sərgidə nümayiş olunan əsərinə istinad edərək kompozisiya hazırlayacaqlar. Bez üzərində yalnız çəhrayı və qara rəngdən istifadə edərək qadının həyatında olan ən vacib məqamları öz baxış bucaqlarından təsvir edəcəklər. “Şərq qadını” mövzusunda təqdim olunacaq dərslərdə isə iştirakçılar şərq qadınının təsvirini rəssam Alina Yusupova ilə birlikdə yaradacaqlar. Əvvəlcə karton materialdan qadın simasının hissələri eləcə də şərq zərgərlik elementləri və saç nümunələri kəsiləcək. Daha sonra şərq qadını obrazına uyğun olaraq kəsilmiş hissələrdən portret yaradılacaq”.
Qeyd edək ki, tyutorları E.Ələkbərli və A.Yusupova olan ustad dərsləri ödənişsiz olacaq.
