Son yeniləmə: 30 May 2023 15:07
BAYRAQDAR MEDİA – Kanadanın Ontario əyalətinin Hamilton şəhərində 28 May – Müstəqillik Günü münasibətilə Azərbaycan Bayrağının qaldırılma mərasimi keçirilib.
Bu barədə BAYRAQDAR MEDİA-ya Diasporla İş üzrə Dövlət Komitəsindən məlumat verilib.
Bildirilib ki, Hamilton Azərbaycan icmasının təşkilatçılığı ilə şəhərin “City Hall” mərkəzində baş tutan mərasimdə üçrəngli bayrağımız Azərbaycanın Dövlət Himninin sədaları altında səmaya ucaldılıb: “Bayram sevinclərini bölüşən Azərbaycan icmasının üzvləri dövlət bayrağımızın fonunda xatirə şəkilləri çəkdiriblər. Soydaşlarımızın qürurlu və sevincli anlarını fotoobyektivə bu yaxınlarda Toronto Azərbaycan Evində sərgisi keçirilən fotoqraf İsmayıl Hüseynov köçürüb”.
Qeyd edilib ki, Hamilton şəhərində Azərbaycan Bayrağı 26-29 may tarixlərində dalğalanıb.
