BAYRAQDAR MEDİA – Mayın 30-da İsrail Prezidenti İsxaq Hersoq Azərbaycana rəsmi səfərə gəlib. İsrail Prezidentini Heydər Əliyev adına Bakı Beynəlxalq Hava Limanında Baş nazirin müavini Yaqub Eyyubov qarşılayıb.
Azərbaycan Prezidentinin Mətbuat xidməti xəbər verir ki, İsrail Prezidentinin şərəfinə rəsmi qəbul törəni təşkil edilib.
Bundan sonra Azərbaycan və İsrail prezidentləri arasında təkbətək görüş olub.
Daha sonra heyətlər arasında geniş tərkibli görüş keçirilib.
Görüşün ardından Azərbaycan Prezidenti İlham Əliyevin və İsrail Prezidenti İsxak Hersoqun iştirakı ilə “Azərbaycan Respublikasının Səhiyyə Nazirliyi ilə İsrail Dövlətinin Səhiyyə Nazirliyi arasında səhiyyə və tibb elmi sahələrində 2023-2028-ci illər üçün Əməkdaşlıq Planı” imzalanıb. Sənədi Azərbaycanın səhiyyə naziri Teymur Musayev və İsrailin daxili işlər və səhiyyə naziri Moşe Arbel imzalayıb.
Daha sonra hər iki prezident mətbuat üçün açıqlama ilə çıxış edib.
Günün sonunda Prezident İlham Əliyev və birinci xanım Mehriban Əliyevanın adından İsxak Hersoq və birinci xanım Mixal Hersoqun şərəfinə rəsmi nahar verilib.
