Son yeniləmə: 28 May 2023 15:17
BAYRAQDAR MEDİA – Xəbər verdiyimiz kimi, Türkiyədə cüçhurbaşqanl seçkilərinin ikinci turu keçirilir.
Bu arada Cümhurbaşqanı Recep Tayyip Erdoğan ikinci turla bağlı səsvermədə iştirak edib.
Anadolu Ajansı xəbər verir ki, R.T.Erdoğan xanımı Emine Erdoğan ilə birlikdə İstanbuldakı Saffet Çebi adına məktəbdə səs veriblər.
Yerli vaxtla saat 12:05-də seçki məntəqəsinə gələn R.T.Erdoğanı Üsküdar bələdiyyəsi başqanı Hilmi Türkmen və AK Parti İstanbul İl başqanı Osman Nuri Kabaktepe ilə digər rəsmi şəxslər qarşılayıb.
R.T.Erdoğan və xanımı E.Erdoğan “3279” nömrəli seçki qutusunun yerləşdiyi sinif otağının qarşısında növbəyə dayanıblar.
Səs verdikdən sonra mediaya açıqlama verən R.T.Erdoğan Türkiyə demokratiyasının həyatında ilk dəfə iki turdan ibarət seçkiyə şahidlik etdiyini bildirib.
Sonra seçki məntəqəsinin başçasında sadə vətəndaşlarla görüşən Cümhurbaşqanı ona sevgi nümayiş etdirən və alqışlayan vətəndaşlarla söhbət etdikdən sonra maşınına minərək məktəbi tərk edib.
