Son yeniləmə: 26 May 2023 16:42
BAYRAQDAR MEDİA – “Müasir dövrdə türk dövlətlərinin və xalqlarının daha da dərindən inteqrasiyası olduqca vacibdir. Bu istiqamətdə atılan hər bir addım mühüm əhəmiyyət kəsb edir. Elə bizim də ötən ay iştirak etdiyimiz Türk Dünyası Köşə Yazarları Simpoziumu bu istiqamətdə atılmış növbəti addımdır”.
Bunu BAYRAQDAR MEDİA-ya özəl açıqlamasında Türkmənistanın salamnews.tm saytının direktoru Vepa Yagshiev deyib.
O, qeyd edib ki, simpoziumda olduqca maraqlı və pozitiv çıxışlar, müzakirələr oldu: “Təcrübələrimizi bölüşdük. Qardaş ölkələrdən olan həmkarlarımızın gələcəyə dair dəyərli təkilfləri səsləndirildi. Hesab edirəm ki, bu təkliflər gələcək əməkdaşlıq üçün təkan rolunu oynayacaq”.
Həmsöhbətimiz əmin olduğunu bildirib ki, belə bir tədbir növbəti dəfə də keçiriləcək: “Simpozimda birlik, ittifaq haqqında da təkliflər səsləndirildi. Hesab edirəm ki, digər sahələrdə olduğu kimi bu sahədə də təşkilatlanma gələcək fəaliyyətlərimizdə mühüm rol oynaya bilər. Bizim təşkilatlanmamız öz növbəsində dövlətlərimizin həyata keçirdikləri fəaliyyətə də dəstək ola bilər. Ümumiyyətlə isə türk dünyasının inteqrasiya gələcəyimiz üçün həyati əhəmiyyət kəsb edir”.
