BAYRAQDAR MEDİA – Azərbaycan Dövlət Akademik Opera və Balet Teatrında qurumun direktoru, Xalq artisti Yusif Eyvazovun təşəbbüsü ilə məşhur italyan opera müğənnisi Federico Longhininin ustad dərsləri keçirilir.
Bu haqda sözügedən Teatrın yaydığı xəbərdə deyilir.
Xəbərdə bildirilir ki, “ustad dərslərində F. Longhini teatrın əməkdaşları ilə öz təcrübəsini bölüşməklə yanaşı solistlərlə fərdi məşğələlər aparır. Dərslər nəticəsində teatrın peşəkar kollektivi öz bilik və bacarıqlarını daha da stimullaşdırır”.
Qeyd edək ki, layihə teatrın yaradıcılıq baxımından kadr potensialının və peşəkarlığın yüksəldilməsinə yönəlib və silsilə şəkildə davam edəcəkdir.
