Son yeniləmə: 25 May 2023 17:02
BAYRAQDAR MEDİA – Rumıniyada keçirilən Türkmənistan Mədəniyyət Günləri çərçivəsində Türkmənistanın mədəniyyət nazirinin müavini N.Şirimov Rumıniyanın mədəniyyət naziri Lucian Romaşcanu ilə görüşüb.
Atavatan-Türkenistan xəbər verir ki, görüşün əvvəlində Türkmənistan tərəfi Türkmənistanın mədəniyyət günlərinin keçirilməsində göstərdiyi qonaqpərvərliyə və dəstəyə görə Rumıniya tərəfinə minnətdarlığını bildirib: “Tərəflər iki ölkə arasında mədəni əlaqələrin yüksək səviyyədə olduğunu qeyd ediblər. Hazırkı ikitərəfli mədəni əməkdaşlıq sazişinin əhəmiyyətini vurğulayaraq, bunun birgə tədbirlərin, o cümlədən Mədəniyyət Günlərinin keçirilməsi üçün yaxşı əsas olduğunu bildiriblər”.
Məlumata əsasən, bu il iyunun 13-16-da “Avaza” Milli Turizm Zonasında keçiriləcək “Avaza 2023” Beynəlxalq Rəqs və Folklor Festivalında Rumıniya tərəfinin iştirak imkanları müzakirə olunub. Rumıniya bu tədbirə dəvət edilib.
