Son yeniləmə: 25 May 2023 14:31
BAYRAQDAR MEDİA – Qazaxıstanın “Silk Way” beynəlxalq telekanalı Azərbaycanın 14 kabel televiziyası operatorunun kanal paketinə daxil edilib.
Aikyn.kz xəbər verir ki, bunu kanalın direktoru Yerkezhan Kuntuqan deyib.
Onun sözlərinə görə, Azərbaycan Audiovizual Şurasının dəstəyi ilə mayın 15-dən “Silk Way” həmin kabel televiziyalarının abunəçilərinə təqdim edilir.
Qeyd edilib ki, “Silk Way” siqnalı Eutelsat Hot Bird 13 və Yamal 401 peyk platformalarından fərdi qəbul üçün də mövcuddur.
“Silk Way” telekanalı azərbaycanlı tamaşaçılara yerli orijinal proqramlar, sənədli film layihələri, eləcə də ən yaxşı bədii məzmun təqdim edir.
“Silk Way” telekanalı Qazaxıstanda yeganə beynəlxalq telekanaldır. Dünyanın 118-dən çox ölkəsində qazax, rus, ingilis, qırğız və özbək dillərində yayımlanır.
