BAYRAQDAR MEDİA – AMEA Mərkəzi Elmi Kitabxanasında müxtəlif mövzulu qiymətli nəşrlərdən biri də “Əhməd bəy Ağaoğlu – böyük narahat adam” biblioqrafiyasıdır.
Biblioqrafiyada görkəmli ictimai-siyasi xadim, publisist, tarixçi və mədəniyyətşünas Əhməd bəy Ağaoğlunun müxtəlif dillərdə və müxtəlif ölkələrdə dərc olunmuş əsərləri, həmçinin onun həyat və fəaliyyəti haqqında yazılmış əsərlər verilib. Nəşrə xronoloji ardıcıllıqla düzülmüş biblioqrafik məlumat, əsərlərin adı, dərc olunduğu qaynaq (qəzet, jurnal, kitab, nəşriyyat) və tarix daxil edilib.
Kitabda “Biblioqrafiya haqqında”, “Hamlet İsaxanlı. Əhməd bəy Ağaoğlu: zəka və şəxsiyyət”, “Əhməd bəy Ağaoğlu fəaliyyətinin əsas tarixləri”, “Əhməd bəy Ağaoğlunun əsərləri”, “Əhməd bəy Ağaoğlu şəkillərdə”, “Əhməd bəy Ağaoğlu haqqında yazılanlar” başlıqları yer alır.
Qeyd edək ki, tərtib edənlər Prof. Hamlet İsaxanlı və filologiya üzrə fəlsəfə doktoru Mədinə Karahan olan kitab Xəzər Universiteti Nəşriyyatı tərəfindən nəşr olunub.
