BAYRAQDAR MEDİA – Azərbaycan Milli İncəsənət Muzeyi “Kölgələrin oyunu” adlı proqram təşkil edəcək.
Bu haqda sözügedən Muzeyin yaydığı xəbərdə bildirilir.
Xəbərdə deyilir ki, “proqramda balaca ziyarətçilər milli və dünya nağılları əsasında hazırlanan vizual sənətin ən qədim növlərindən biri olan kölgə janrında nağıllardan ibarət kiçik tamaşalar izləmə fürsəti qazanacaqlar. Proqrama milli təsviri və tətbiqi sənət nümunələri ilə bərabər Qərb və Şərq incəsənətinin müxtəlif dövr, çeşid və üslublarını özündə ehtiva edən sənət əsərləri ilə tanışlıq da daxildir”.
Qeyd edək ki, proqram yay tətili boyunca hər həftənin şənbə günü 14:00-da olacaq.
