Son yeniləmə: 22 May 2023 14:08
BAYARQDAR MEDİA – Türkmənistandan olan tələbələr Özbəkistanda keçirilən “Türk Dünyası Tələbələrinin Teatr Festivalı”nda iştirak edəcəklər. Bu barədə özbək rejissor İkbal Melikuziyev bildirib.
Türkmenportalı.com saytı xəbər verir ki, Festival bu il mayın 22-dən 26-dək Özbəkistanın Daşkənd şəhərində keçiriləcək: “Burada türkmən tələbələri ilə yanaşı, Özbəkistan, Qazaxıstan, Qırğızıstan, Azərbaycan və Türkiyədən tələbələr iştirak edəcək. Həmçinin Rusiya Federasiyası, Belarus Respublikası, Tacikistan və Çinin teatr mütəxəssisləri festivalın qonağı olacaqlar”.
“Festival qardaş ölkələrdən olan yaradıcı gənclərin bacarıq və biliklərini qiymətləndirməyə imkan verəcək.
Bundan əlavə, bu mədəni tədbir qarşılıqlı əməkdaşlıq haqqında çoxtərəfli fikir mübadiləsimizə təkan verəcək. Ümid edirəm ki, hər il belə festivalın keçirilməsi bizim üçün ənənəyə çevriləcək”, – deyə rejissor İkbal Məlikuziyev bildirib.
Festival çərçivəsində teatrlaşdırılmış tamaşalar nümayiş etdiriləcək, musiqiçilərin müsabiqəsi keçiriləcək.
Bundan əlavə, bacarıq dərsləri, dəyirmi masalar, kitabın təqdimat mərasimi, elmi-praktik konfrans və konsert proqramı nəzərdə tutulub.
