BAYRAQDAR MEDİA – Mayın 19-da YARAT Müasir İncəsənət Məkanı Muzey Gecəsi təşkil edəcək.
Bu haqda YARAT-ın yaydığı xəbərdə bildirilir.
Xəbərdə deyilir ki, “İlhamını Karl Qustav Yunqun məşhur arxetiplər nəzəriyyəsindən alan tədbir, “kölgə” anlayışına əsaslanıb. Beləliklə, “Kölgə arxasında” şüarı altında təqdim olunan tədbirdə, hər bir iştirakçı özünü anlamağa və ifadə etməyə fürsət əldə edəcək”.
Gecədə Alina Yusupovanın “Məhdudiyyətsiz qara” performansı, “RAW” kodinq duetinin multimedia performansı, Arzu Süleymanova ilə “Sükut dairəsi” mandala art-terapiyası, Ramal Kazım ilə “Ruhun aynası” ustad dərsi, Azərbaycan Dövlət Pantomima Teatrı “Manqurt” tamaşası, “Muzeydə gecə” interaktiv turu, Şəkərbura Şou, “Klub 22” intellektual oyunu, Bakı Bulvarında (“Suraxanı” gəmi-muzeyinin yanı) “Call It” (Azərbaycan) və “MokuMoku” (Gürcüstan) qruplarının canlı konserti olacaq.
Qeyd edək ki, “Muzey Gecəsi” layihəsi Bakı Bulvar İdarəsi, “iTicket” platforması və “Meatadore” təşkilatının dəstəyi ilə həyata keçirilir.
