BAYRAQDAR MEDİA – Elm və Təhsil Nazirliyi və Azərbaycan Dövlət Rəssamlıq Akademiyasının “Humanitar və ictimai fənlər” kafedrasının birgə təşəbbüsü ilə Ulu Öndər Heydər Əliyevin 100 illik yubileyinə həsr olunmuş “Heydər Əliyev və azərbaycançılıq məfkurəsi” adlı tədbir keçirilib.
Bu haqda ADRA-nın yaydığı xəbərdə deyilir.
Xəbərdə bildirilir ki, “Milli Azərbaycan Tarixi Muzeyində keçirilən tədbirdə ADRA-nın Humanitar və İctimai fənlər kafedrasının müdiri, sənətşünaslıq üzrə fəlsəfə doktoru, Dos. Rimma Qafarzadə, Hərb Tarixi Muzeyinin rəisi, polkovnik Əzizağa Qənizadə, Milli-mənəvi dəyərlərin təbliği fondunun icraçı direktoru Mehman İsmayılov, Müdafiə Nazirliyinin “Azərbaycan ordusu” qəzetinin müxbiri Lalə Hüseynova, II Qarabağ müharibəsinin qaziləri Şiraz Həsənov, Hikmət Zamanov, Əlfi Qasımov və ADRA-nın tələbələri – Sevda Məlikzadə, Əzizə Hüseynova, Fərid Gülməmmədov, Əsmər Muradova, Nərgiz İsrafilova, Asifə Cumayeva, Bəyim Allahverdiyeva, Nərmin Abbasova, Qənirə Cəfərli çıxış ediblər. Çıxış edənlər Ümummilli lider Heydər Əliyevin Azərbaycan ordusunun quruluşunda, milli-mənəvi dəyərlərin qorunub təbliğ edilməsində, Azərbaycanın xarici və daxili siyasətində mühüm rolundan bəhs etdilər. Ümummilli liderin təhsil, mədəniyyət, incəsənət sahələrinə verdiyi töhfələr və böyük dəstək xüsusi vurğulanıb”.
