BAYRAQDAR MEDİA – Mayın 7-si və 27-də Üzeyir Hacıbəyli adına Bakı Musiqi Akademiyasının nəzdində Opera Studiyasının Konsert salonunda Xalq artisti Rasim Balayevin 75 illik yubileyinə həsr olunmuş yaradıcılıq axşamı keçiriləcək.
Bu haqda xəbər BAYRAQDAR MEDİA-ya mayın 4-də sözügedən Studiyadan daxil olub.
Xəbərdə bildirilir ki, yaradıcılıq axşamında Xalq artistinin sənət yoldaşları, həmkarları, yaxınları iştirak edəcək. Həmçinin tədbirdə tamaşaçılarla sual-cavab da olacaq.
Qeyd edək ki, tədbir saat 20:00-da başlayacaq.
