BAYRAQDAR MEDİA – İyunun 9-da Heydər Əliyev Mərkəzində “Kremerata Baltika” Kamera Orkestri solistlərinin konserti olacaq.
Bu haqda sözügedən Mərkəzin yaydığı xəbərdə deyilir.
Xəbərdə bildirilir ki. ““Kremerata Baltika” dünyanın 50-dən çox ölkəsində mindən çox konsert proqramı ilə çıxış edib. Musiqiçilər 20-dən çox CD yazıb, 2002-ci ildə isə “Gremmy” mükafatına layiq görülüb. Kremeratanın solistləri Litvada yaşayan 9 musiqiçidən ibarət olan ansambldır. Bakı konsertinin solistləri – Litva Kremeratasının yaradıcısı, skripka ifaçısı Dzeraldas Bidva və tanınmış violonçel ifaçısı, bir çox müsabiqələrin laureatı Giedre Dirnavauskaitedir”.
Qeyd edək ki, konsertdə Əməkdar artist Fuad İbrahimovun rəhbərliyi ilə Bakı Kamera Orkestri də çıxış edəcək.
