BAYRAQDAR MEDİA – Kuzey Kıbrıs Türk Cümhuriyyəti baş nazirinin müavini, turizm, mədəniyyət, gənclər və ətraf mühit naziri Fikri Ataoğlu Türkiyəyə, İstanbul şəhərinə gedib.
Haberkibirs xəbər verir ki, səfərdə məqsəd 2023 Türk Dünyası Gənclik Paytaxtı açılış mərasimində iştirak etməkdir.
Məlumata əsasən, Türkiyənin gənclər və idman naziri Mehmet Kasapoğlunun ev sahibliyi edəcəyi və Türk Dövlətləri Təşkilatına (TDT) üzv ölkələrin gənclər nazirlərinin iştirakı ilə keçiriləcək ikinci Gənc Sahibkarlar Forumunda və TDT 5-ci Gənc Liderlər Forumunda KKTC TDT-nin müşahidəçi üzvü kimi iştirak edir.
Mayın 4-də İstanbulda keçiriləcək, tədbir çərçivəsində müxtəlif panellər üzrə müzakirəlrə olacaq. Tədbirdə F.Ataoğlu da açılış nitqi ilə çıxış edəcək.
